Muralla vs Lalín: case unha final na loita polo primeiro posto

As mulleres do Muralla reciben a Lalín no derradeiro partido da liga regular para ambos equipos, un partido decisivo no que se dilucidará quen remata na primeira posición ao final de dita fase, primeiro posto que ten como recompensa disputar a final en campo propio.

A final, a partido único entre o primeiro e segundo clasificados enfrontará a ambos clubes, claros dominadores do campionato o vindeiro 17 de marzo.

Pero antes dese día, que será histórico para un dos dous clubes, ambos terán que loitar mañá por ese primeiro posto, loita na que parten con vantaxe as lucenses que que chegan invictas a este derradeiro partido e con 3 puntos máis que Lalín na táboa.

O equipo vencedor da final proclamarase campión da Liga Galega Feminina e acadará automáticamente o ascenso a División de Honor B, segunda categoría a nivel nacional que se creará na vindeira tempada. Ao mesmo tempo as gañadoras tamén se clasificarán para a fase de ascenso á División de Honor, aínda co ascenso a División de Honor B asegurada.

As mulleres adestradas por Edgardo Martínez terán suficiente con gañar ou empatar para asegurar ese primeiro posto que faría que a final da liga se disputase no Estadio G. Pérez Rivera.

Para o encontro o Muralla non contará coa maior parte das xogadoras cedidas mediante o acordo de filiación con CRAT mentres que Lalín contará coa baixa da súa xogadora máis destacada, a internacional Rocío García.

O encontro terá mañá sábado ás 16:30 horas no Estadio G. Pérez Rivera.

······

– Clasificación LGR Feminina

LGR Segunda División: o Muralla RC vs Mareantes Pontevedra RC cancelado

O encontro que se tiña que disputar tamén na tarde do sábado no Gregorio Pérez Rivera foi cancelado logo da comunicación por parte dos visitantes da renuncia a disputalo por mor de non ter xogadores suficientes para a convocatoria. Deste xeito o encontro, derradeiro tamén da liga regular, non se disputará e a vitoria será concedida ao Muralla por 7-0 e coa obtención dun punto bonus adicional e a sanción con un punto menos para Mareantes Pontevedra.

Deste xeito o Muralla deberá agardar aos resultados de Vigo e Santiago para saber se o equipo masculino acada a clasificación entre os catro primeiros que dan dereito a disputar os play-offs pola liga: se Vigo perde ou empata e/ou Santiago perde o Muralla logrará clasificarse.

Advertisements

As categorías inferiores do clube, protagonistas da fin de semana

As categorías inferiores protagonizan unha fin de semana na que os dous equipos senior do Muralla RC, masculino e feminino non teñen competición á espera dunha emocionante derradeira xornada da liga regular a vindeira fin de semana.

Escola de Rugby do Muralla RC

Os nenos e nenas da Escola de Rugby do Muralla RC participarán na quinta Concentración de Rugby Base da tempada, desta volta en Lalín, concentración que se celebrará na mañá do sábado no Estadio Manuel Anxo Cortizo da capital do Deza.

Nas Concentracións de Rugby Base, que se celebran mensualmente cun clube diferente como anfitrión en cada ocasión, serven para que os equipos de todos os clubes galegos das categorías Sub-6 a Sub-12 se reunan e disputen partidos entre eles aínda que non se teñen en conta nin o marcador nin hai unha clasificación, xa que o obxectivo non é que compitan senón que disfruten do rugby.

Nesta ocasión máis de corenta nenos e nenas do Muralla viaxarán a Lalín representando á Escola de Rugby, unha escola que está a medrar a moi bo ritmo e conta cuns 60 nenos e nenas, unha cifra que duplica o número con respecto a fai dúas tempadas.

Liga Galega S14: Muralla RC vs Pontevedra RC

O equipo sub-14 do Muralla recibirá a Pontevedra na mañá do domingo na segunda fase da LGR S14 na loita polos postos do 5º ao 8º. O Muralla buscará a súa primeira vitoria da tempada, unha tempada na que compiten por vez primeira e na que hai que ter en conta que metade do equipo son xogadores e xogadoras sub-12 de segundo ano polo que veñen de facer un papel moi positivo diante de conxuntos máis experimentados e cun físico superior.

A evolución ao longo da tempada foi en ascenso e intentarán refrendar esa mellora cun resultado positivo o domingo.

O partido terá lugar o domingo ás 11:15 horas no Estadio Gregorio Pérez Rivera.

Sesión vermú e España vs Romanía no Local Social do clube

As actividades do clube na fin de semana complétanse cunha ‘sesión vermú’ no Local Social do Muralla (R/ Armando Durán, 44) que se celebrará o domingo a partir das 12:30 horas, despois do partido do equipo Sub-14 e co gallo do partido España vs Romanía, decisivo para a clasificación para o mundial de Xapón 2019 e que será retransmitido en directo por Teledeporte a partir das 12:45 horas. O evento, como todos os celebrados no Local Social está dirixido exclusivamente aos socios e socias e membros do clube que poderán disfrutar do encontro con prezos especiais nas consumicións.

Xornada positiva para o Muralla RC

LGR Feminina: Muralla RC 93-0 Vigo RC

O equipo feminino do Muralla arrasou a un Vigo RC que se presentou con trece xogadoras e rematou o encontro con tan só once por mor das lesións.

O partido, como amosa o resultado, foi de dominio constante do Muralla que non deu ningunha opción ante un Vigo moi mermado polas baixas.

No partido tan só houbo un equipo, o Muralla que acadou 15 ensaios ao final dos 80 minutos, con Lucía Corrales como xogadora máis destacada.

Deste xeito, as mulleres adestradas por Edgardo Martínez continúan invictas e líderes na LGR Feminina e encamíñanse cara a final.

························

MURALLA RC | 93 (58): Paola Pino, Coro Repullés, Lili Manrique (Ángela de la Orden ’53); Taylor Grzywacz, Carmen Janeiro; Judith Hernández, Lucía Corrales, María Santos; María Veiga (C), Raquel Fernández; Alba Mur, Vero Marí (Paula Ben ’41), Mariona Bordás (Marta Castro ’65), Jone Cornejo (Daniela Hernández ’60); Chelsea Neukum.

– Ensaios: Neukum, Cornejo, J. Hernández (2), Corrales (5), Repullés (2), Veiga, Grzywacz, Castro, Mur.

– Transformacións: Neukum (9).

VIGO RC | 0 (0): Alejandra Allue, María Álvarez, Estefanía Moreno; Antía López, Isabel Martos; Carmen Rodríguez, Carmen Mariño, Berta Álvarez (C); Carolina Costas, Azucena Alonso; Aixa López, Alba Fernández; Carlota Cao.

LGR Segunda División: Muralla RC 17-12 Vigo RC

Máis igualado estivo o encontro do equipo masculino que logrou remontar o partido no segundo tempo nunha emocionante e intensa loita entre ambos conxuntos. A tarde comezaba mal para o Muralla, coa lesión de Dani Sever no quecemento que deixaba ao equipo con tan só un cambio.

Os homes adestrados por Alfredo Pintor comenzaban o encontro encaixando un ensaio no minuto sete, para acadar a igualada seis minutos despois cunha gran xogada do apertura italiano Franco Cimino. Vigo acadaría un ensaio máis antes do descanso nun primeiro tempo no que o Muralla foi de menos a máis a pesar de rematar os primeiros corenta minutos cun marcador de 7-12.

No segundo tempo o Muralla saía decidido a levar o partido e aplicábase con máis intensidade con ataques prolongados con numerosas fases de dianteira que machacaban a defensa viguesa e dominaban territorialmente o encontro durante practicamente os corenta minutos do segundo tempo, aínda que os ensaios chegaban nos derradeiros 10 minutos do partido nun final de infarto.

No minuto 74 chegaba o primeiro por medio do capitán David Pérez logo dunha touch que igualaba o marcador en 12-12 a falta de 6 minutos para o pitido final. No minuto 76 chegaba o ensaio que confirmaba a remontada lucense, por medio do pilier Quique Díaz que lograba pousar o balón no zona de ensaio viguesa.

Deste xeito o Muralla acada unha importante vitoria que lle fai subir provisionalmente ao terceiro posto á espera do partido ante o líder Fendetestas o vindeiro sábado.

························

MURALLA RC | 17 (7): Ernesto Rey, Cristóbal Pérez, Quique Díaz; Jose Asín (Vili Roca ’58), Fávio Araújo; Claus Araújo, Manuel Castro, David Pérez (C); Felipe Flores, Franco Cimino; Alfonso Rodríguez, Noé López, Anxo Miranda, Jared Syllá; Dani Lago.

– Ensaios: Cimino, D. Pérez, Díaz.
– Transformacións: Cimino.

VIGO RC | 12 (12): Jorge Barbudo, Daniel Dorado, Brais Paradela; Mateo Dubois, Roberto Vázquez (Sergio Panozzo ’53); Ignacio Vicente (C) (Víctor Oitavén ’15), Álvaro Pastor (Antonio Alonso ’73), Santi Lemos; Marco Del Pozo, Alberto Da Silva; Miguel Abadía (Pablo Carrera ’68), Miguel Losada, José L. Cambeiro (Brais Vila ’50), David Comesaña; Brais Pérez (Javier Álvarez ’58).

– Ensaios: Vicente, Pastor.
– Transformacións: Da Silva.

Doble enfrontamento Muralla-Vigo na tarde do sábado no Gregorio Pérez Rivera

O Gregorio Pérez Rivera acollerá o sábado unha intensa tarde de rugby cun doble enfrontamento entre os equipos masculino e feminino de Muralla e Vigo na Liga Galega de Rugby nas súas correspondentes categorías. A xornada complétase coa visita do equipo Sub-14 a Pontevedra RC na segunda fase da LGR S14.

LGR Feminina: Muralla RC vs Vigo RC

O equipo feminino do Muralla terá unha nova proba este sábado no seu camiño cara a final da LGR Feminina. As mulleres dirixidas por Edgardo Martínez reciben a Vigo RC na xornada 7 de liga e tentarán acadar unha nova vitoria que lles permita continuar coa súa condición de invictas e líderes da Liga Galega.

As lucenses xunto con Lalín perfílanse como as dúas finalistas, coas do Deza a tres puntos do Muralla na segunda posición, dominando ambos equipos o campionato autoritariamente con 25 e 22 puntos respectivamente e cunha distancia abismal con respecto o terceiro posto ocupado por Ourense con só 6 puntos.

Aínda que case clasificadas matematicamente para a final, que enfrontará en marzo a primeiro contra segundo clasificado, rematar a liga regular en primeira posición é de suma importancia, xa que a final disputarase a partido único na casa do mellor clasificado.

Vigo ocupa o derradeiro posto, pero aínda que poidera preverse un encontro doado para o Muralla sobre o papel, na realidade a diferencia non é tanta polo que as mulleres do Muralla deberán aplicarse para continuar na loita no seu camiño cara a final e, porque non, soñar con disputar a vindeira tempada a División de Honor B.

O encontro terá lugar este sábado ás 16:30 horas no Estadio G. Pérez Rivera.

LGR Segunda División: Muralla RC vs Vigo RC

O equipo masculino tamén recibe a Vigo na tarde do sábado, co obxectivo de acadar 5 puntos que lle permitan asaltar o cuarto posto da Segunda División galega ocupado por Santiago cos mesmos puntos que o Muralla, 28, e distanciarse de Vigo, que se atopan xusto detrás dos lucenses a catro puntos.

Os homes adestrados por Alfredo Pintor reencontráronse coa vitoria na pasada xornada diante dun mermado Ourense logo dunha mala xeira de resultados que os alonxaron momentáneamente dos catro primeiros postos de play-off polo título e ascenso.

O encontro terá lugar ás 18:00 horas no Estadio G. Pérez Rivera a continuación do encontro do equipo feminino.

LGR Sub-14: Pontevedra RC vs Muralla RC

O equipo sub-14 do Muralla comeza a segunda fase da LGR Sub-14 viaxando a Pontevedra. Logo dunha primeira fase dividida xeográficamente en dous grupos, Norte e Sur, nesta segunda disputaranse de novo en dous grupos, un polo título entre os mellores clasificados e outro polos postos 5º a 8ª que será o que dispute o Muralla xunto con Ribadeo, Pontevedra e Ingleses de Vilagarcía.

O encontro terá lugar tamén o sábado 27 ás 16:00 horas no Campo de Rugby de Monteporreiro da cidade do Lérez.

················································································

Clasificacións:

· LGR Feminina
· LGR Segunda División
· LGR S14

LGR Segunda División: Muralla RC 88-0 Ourense Rugby

O Muralla esnaquizou a un Ourense que tan só puido presentar 14 xogadores ao encontro por mor das baixas e xogadores convocados co primeiro equipo, rematando o encontro con 13 xogadores por mor dunha lesión.

O segundo equipo de Ourense Rugby encaixou 14 ensaios nun encontro que foi un monólogo do Muralla que non tivo piedade co rival, rival quen tan só foi quen de achegarse nun par de ocasións á liña de 22 local. O marcador completouse con 9 transformacións por parte do apertura Franco Cimino.

O Muralla, tampouco sobrado de cambios, tan só un, rematou tamén o encontro con 14 xogadores polas lesións de Andrés Fernández e Manuel Castro.

Deste xeito, os lucenses sumaron 5 puntos moi necesarios e agardan á vindeira fin de semana na que reciben de novo, en Lugo ás 18:00 horas, ao segundo equipo de Vigo RC co obxectivo de sumar 5 puntos máis que lles permitan manterse con opcións nos primeiros postos.

···············

MURALLA RC | 88 (50) Ernesto Rey, Cristóbal Pérez, Quique Díaz; Andrés Fernández (Vili Roca ’40), Fávio Araújo; Manuel Castro, David Pérez (C), Marcos Raposo; Felipe Flores, Franco Cimino; Antón Fernández, Cláudio Araújo, Anxo Miranda, Alfonso Rodríguez; Dani Lago.

– Ensaios: Manuel Castro, Marcos Raposo (2), Franco Cimino (3), Alfonso Rodríguez, Ernesto Rey, Antón Fernández, Cláudio Araújo, David Pérez, Vili Roca (2), Cristóbal Pérez.

– Transformacións: Franco Cimino (9).

OURENSE RUGBY | 0 (0) José Luis Álvarez, Moisés Montes, Luis Vuelta; Cristian Rodríguez, Anxo Calvo; Timothee Braik, José Manuel Díaz, Borja Leyenda (C); Javier Pérez, Luis Miguel Pereira; Nicolau Felix, Anxo Martínez, Jesael García; Guillermo Caride.

 

 

 

Muralla vs Ourense e Concentración de Rugby Base de Ferrol

LGR Segunda División: Muralla RC vs Ourense Rugby

O Muralla recibe a Ourense Rugby na xornada 11 da Segunda División da Liga Galega de Rugby coa necesidade de gañar para poder seguir loitando por xogar os play-offs pola liga.

Logo dunha mala xeira de resultados nos dous últimos encontros, marcados polas dificultades para presentar un quince competitivo, os homes adestrados por Alfredo Pintor intentarán sacar un resultado positivo diante dun Ourense que se atopa nas posicións baixas da táboa.

O Muralla tentará facer valer a súa condición de locais no Gregorio Pérez Rivera e acadar unha vitoria que supoña un punto de inflexión de cara o sprint final do final de tempada.

O quince lucense recupera a unha peza importante no equipo como a de Marcos Raposo logo da súa ausencia por lesión no derradeiro partido diante de CD Zalaeta.

O encontro terá lugar este sábado ás 16:30 horas no Estadio G. Pérez Rivera.

Concentración de Rugby Base de Ferrol

Máis de corenta nenos e nenas da Escola de Rugby do Muralla RC viaxarán na mañá do sábado a Ferrol para participar na Concentración de Rugby Base organizada por CR Ferrol. Esta é a cuarta concentración da tempada despois das de Vigo, A Coruña e Lugo, e nela participarán equipos dende Sub-6 ata Sub-12 de clubes de toda Galicia.

 

—

Resultados dispares na fin de semana

LGR Feminina| Ourense 24-39 Muralla RC

O equipo feminino do Muralla continúa a súa carreira cara a final da LGR Feminina cunha nova vitoria a domicilio que lles permite continuar invictas na liga e liderando o campionato con autoridade.

O encontro comezou de cara para as mulleres adestradas por Edgardo Martínez dominando claramente tres cuartas partes do partido agás os derradeiros vinte minutos nos que o Muralla se relaxou en exceso, feito que aproveitou Ourense para recortar distancias no marcador. Resultado positivo logo da falta de adestramentos e o descanso de Nadal e sen contar con varias xogadoras cedidas polo CRAT destacadas en partidos anteriores.

Por parte do Muralla acadaron os ensaio Lucía Corrales (4), Alba Mur (2), María Santos. Acadáronse dúas transformacións obra de Iris Vega e Daniel Hernández.

LGR Segunda División | CD Zalaeta 87-12 Muralla RC

O equipo masculino recibíu un duro pero lóxico correctivo na Coruña logo ter que disputar o encontro con tan só trece xogadores debido á crise de baixas coas que afrontou este inicio de ano nun plantel xa de por si moi curto.

Nun partido sen moita historia o Muralla caeu contundentemente con CD Zalaeta que foi o dominador claro do encontro. Aínda así, o Muralla intentou dar a cara e acadou dous ensaios na primeira parte do encontro obra de Cláudio Araújo e Felipe Flores, transformado un deles por Franco Cimino.

LGR S-14 Norte | Muralla RC 7-57 CR Ferrol

O equipo Sub-14 caeu tamén por un resultado de 7-57 ante un rival máis experimentado e mellor que serve para os sub-14 continúen coa súa aprendizaxe nunha tempada na cal os resultados non son o máis importante.