O Muralla RC disputará esta fin de semana os primeiros partidos da tempada como local co equipo senior xogando co favorito para o ascenso, Ourense, e cos equipos M16 e M18 da Unión do Norte Rugby recibindo en As Pedreiras a Ferrol e Vigo respectivamente.
O equipo senior masculino enfróntase o sábado (16:00 h) en partido adiado correspondente á xornada 2 da LGR2 a Campus Ourense, conxunto que militaba na División de Honor B na tempada pasada e que logo dunha polémica sanción foi descendido. O Muralla conta na táboa de clasificación con dous partidos e dúas vitorias, diante de Mareantes e Fendetestas e buscará dar a sorpresa diante de Ourense, favoritos para o ascenso.
Para o partido, o adestrador Artai González, poderá contar con case a totalidade do plantel agás os lesionados Fávio Zúñiga e Armando Villanueva.
Tamén nesta fin de semana xogarán en Lugo os equipos M16 e M18 da Unión do Norte Rugby, nome baixo o que competimos conxuntamente as Academias (M14, M16, M18) de Fendetestas, Astérix Viveiro, Capóns Vilalba e Muralla RC. Cabe destacar tamén que o equipo M18 da UNR conta coa cesión de xogadores de CRAT Coruña.
O equipo M16 recibe o sábado (18:00 h) a Ferrol, mentres que o equipo M18 xogará na mañá do domingo (12:00 h) a Vigo RC.
murallarugby.wordpress.com 